Nafarroako Artxibo Garaikideak urteko lehen buletina argitaratzen du. Aldizkari honen bidez, instalazioak, zaintzen dituen dokumentu-funtsak, eskaintzen dituen zerbitzuak eta sustatzen dituen hedapen-proiektuak ezagutarazi nahi dira.
Nafarroako Artxibo Garaikidearen eginkizunen artean, honako hauek nabarmentzen dira, besteak beste: Nafarroako Gobernuaren bulegoetatik dokumentazio-transferentziak jaso eta kudeatzea, dokumentuak kudeatzeko irizpideak ezartzea, Dokumentuen Ebaluaziorako Batzordearen lana koordinatzea, ikerketa- eta dibulgazio-programak bultzatzea, edo indarrean dagoen legeriaren arabera informazioa eskuratzea erraztea.
Buletinaren argitalpena modu digitalean eskura daiteke.
Horrela, ACNk Artxiboen Nazioarteko Laugarren Astearen ospakizunekin bat egin nahi du. Aste hori, ekainaren 6tik 10era bitartean, Artxiboen Nazioarteko Kontseiluak (ICA) antolatu du, munduari erakusteko nola eta zergatik #SomosArchivo, ikerketaren, kulturaren, memoriaren eta gardentasunaren zerbitzura dauden erakunde horien balioa sustatzeko helburuarekin.
