Lan finalistak datorren ostiralean, irailak 23, jarriko dira ikusgai Nafarroako Liburutegian, non publikoak gustukoena bozkatu ahal izango duen urriaren 20ra arte.
Vianako Printzea Erakundea - Kulturako Zuzendaritza Nagusiak, Nafarroako Artxibo Garaikidearen bitartez, aurten paisaia ibiltariei eskainitako 'Memoriadun paisaiak' V. Argazki Lehiaketaren sariak erabaki ditu. Gloria Vázquez Ferrónen Línea Ferroviaria, Pedro Pileńo Malvarren Ovni eta Luis Díaz Lunaren Túnel argazkiek lehen, bigarren eta hirugarren sariak jaso dituzte, hurrenez hurren. Sari banaketa datorren ostiralean, irailak 23, goizeko 10:30etan ospatuko da Nafarroako Liburutegian, Ignacio Apezteguíaren, Vianako Printzea Erakundeko zuzendari nagusiaren eskutik.
Ondoren, erakusketa bat inauguratuko da aukeratutako argazkiekin, eta horien artean laugarren sari bat aukeratuko da herri-bozketa bidez, urriaren 20ra arte irekitako hautestontzi baten bidez. Orduan, epaimahaiak botoak zenbatu eta lan irabazlearen kopia irekiko du, urriaren 24an, larunbata, Nafarroako Kultura atarian.
Guztira 41 argazki aurkeztu dira. Epaimahaia argazkigintzako bi profesionalek eta Artxibo eta Dokumentu Ondarearen Zerbitzuko bi kidek osatu dute. Lehenengo sariak 700 euroko balioa du, bigarrenak 400 eurokoa eta hirugarrenak 200 eurokoa.
